3,000 கால்நடை உதவி மருத்துவர்கள் நியமனம்: தமிழக அரசின் நடவடிக்கைக்கு கால்நடை மருத்துவர்கள் சங்கம் வரவேற்பு
சென்னை, ஜூலை 01, 2026: தமிழகத்தில் 3,000 கால்நடை உதவி மருத்துவர்களை (Veterinary Assistant Surgeons) நியமிக்க தமிழக அரசு எடுத்துள்ள முடிவை தமிழ்நாடு கால்நடை உதவி மருத்துவர்கள் சங்கம் வரலாற்றுச் சிறப்புமிக்க நடவடிக்கையாக வரவேற்றுள்ளது. சென்னையில் நடைபெற்ற செய்தியாளர் சந்திப்பில் சங்கத்தின் தலைவர் டாக்டர் வி. ராஜசேகரன், பொதுச் செயலாளர் டாக்டர் எஸ். பிரான்சிஸ் சந்திரன், பொருளாளர் டாக்டர் கே. தங்கவேலு, மாநிலத் தலைவர் டாக்டர் ஏ. தேவக், இணைச் செயலாளர் டாக்டர் எம். ராஜ்குமார் ஆகியோர் கலந்து கொண்டு செய்தியாளர்களிடம் பேசினர். அவர்கள் கூறியதாவது: கால்நடை உதவி மருத்துவர்களின் நீண்டநாள் கோரிக்கையை ஏற்று, கால்நடை பராமரிப்புத் துறையின் சார்பில் 2026 ஜூன் 29-ஆம் தேதி ஆணையர் திரு. எஸ்.பி. அம்ரித், ஐ.ஏ.எஸ். தலைமையில் காணொலி வாயிலாக ஆலோசனைக் கூட்டம் நடைபெற்றது. இதில் மாநிலம் முழுவதும் இருந்து 683 கால்நடை உதவி மருத்துவர்கள் பங்கேற்று தங்களது கருத்துகளை பதிவு செய்தனர். அதனைத் தொடர்ந்து மருத்துவப் பணியாளர் தேர்வு வாரியம் (MRB) 3,000 கால்நடை உதவி மருத்துவர் பணியிடங்களுக்கு அறிவிப்பை வெளியிட்டு, ஜூலை 1 மதிய...