2026 தேர்தல்: அதிமுக கூட்டணி 121 இடங்கள் வெல்லும் – CPRO மெகா கருத்துக்கணிப்பு வெளியீடு
சென்னை, ஏப்ரல் 17, 2026: தமிழ்நாடு சட்டமன்றத் தேர்தலை முன்னிட்டு, CPRO நிறுவனம் நடத்திய மெகா கருத்துக்கணிப்பு இன்று சென்னை பத்திரிகையாளர் மன்றத்தில் வெளியிடப்பட்டது. இந்த கருத்துக்கணிப்பு, மாநில அரசியல் சூழலில் கடும் போட்டி நிலவுவதை வெளிப்படுத்துகிறது.
மண்டல வாரியான வாக்கு சதவீதம்:
மத்திய தெற்கு மண்டலத்தில் அதிமுக 35% வாக்குகளுடன் முன்னிலை வகிக்கிறது. திமுக 33%, நாம் தமிழர் கட்சி 3% வாக்குகளைப் பெறும் என கணிக்கப்பட்டுள்ளது.
சென்னை மண்டலத்தில் திமுக 36% வாக்குகளுடன் முன்னிலை வகிக்கிறது. அதிமுக 30%, நாம் தமிழர் கட்சி 5%, தமிழக வெற்றி கழகம் 26% வாக்குகளைப் பெறும் என தெரிவிக்கப்பட்டுள்ளது.
டெல்டா மண்டலத்தில் திமுக 39% வாக்குகளுடன் சிறிய முன்னிலை பெற்றுள்ள நிலையில், அதிமுக 38%, நாம் தமிழர் கட்சி 6%, தமிழக வெற்றி கழகம் 11% வாக்குகளைப் பெறும் என கணிக்கப்பட்டுள்ளது.
சட்டம்-ஒழுங்கு தொடர்பான கருத்து:
“சட்டம் மற்றும் ஒழுங்கை யார் சிறப்பாக கையாளுவார்கள்?” என்ற கேள்வியில், எடப்பாடி கே. பழனிசாமி 29% ஆதரவைப் பெற்றுள்ளார். அவரை தொடர்ந்து முதல்வர் மு.க. ஸ்டாலின் 27% மற்றும் நடிகர் விஜய் 26% ஆதரவைப் பெற்றுள்ளனர்.
திமுக மீண்டும் ஆட்சிக்கு வரக்கூடாத காரணங்கள்:
சட்டம்-ஒழுங்கு குறைபாடு மற்றும் பெண்கள் பாதுகாப்பு தொடர்பான கவலைகள் முக்கிய காரணங்களாக பதிலளிக்கப்பட்டுள்ளன.
சிறந்த நிர்வாகி யார்?:
இந்த பிரிவில், முதல்வர் மு.க. ஸ்டாலின் 33% ஆதரவுடன் முதலிடத்தில் உள்ளார். அவரை தொடர்ந்து எடப்பாடி கே. பழனிசாமி 31% ஆதரவைப் பெற்றுள்ளார்.
சிறந்த தேர்தல் அறிக்கை:
திமுக 35% ஆதரவுடன் முன்னிலையில் உள்ளது. அதிமுக 33%, தமிழக வெற்றி கழகம் 16%, நாம் தமிழர் கட்சி 12% ஆதரவைப் பெற்றுள்ளன.
மேலும், தமிழக வெற்றி கழக தலைவர் விஜய் திருச்சி கிழக்கு தொகுதியில் வெற்றி பெறுவார் என்றும் கருத்துக்கணிப்பில் குறிப்பிடப்பட்டுள்ளது.
இந்த கருத்துக்கணிப்பு, 2026 தேர்தலை முன்னிட்டு கட்சிகளுக்கு புதிய அரசியல் கணக்குகளை உருவாக்கும் வகையில் அமைந்துள்ளது.
****
.jpg)